Dalin detaje nga atentati i mbrëmjes së djeshme, ku mbeti i vdekur shtetasi Hekuran Billa.
Mësohet se viktimës i kishin mbetur edhe 5 vite burgim që ishte konvertuar nga gjykata në liri me kusht. Sipas Top Channel, Billa kishte paraqitur në gjykatë një kontratë pune me një studio ku premtonte se do punonte si korrier dhe se do sillej mirë.
Gjykata ndryshon masën për Billën në 22 shkurt të vitit 2019. Kjo pasi Billa pretendonte se kishte prindërit sëmurë dhe se ata nuk kishin të ardhura veç pensionit për të jetuar.
Hekuran Billa 40 vjeç, u qëllua për vdekje mbrëmjen e djeshme brenda makinës së tij, përballë një qendre tregtare në Tiranë, në zonën e Komunës së Parisit.
Ngjarja u regjistrua rreth orës 10 mbrëmjen e së enjtes. Viktima me origjinë nga Kukësi, jetonte në fshatin Domje, ndërsa sipas të afërmve të tij, ai kishte ardhur për të takuar disa miq të tij në këtë zonë.
