Zbardhen detaje të reja lidhur me ngjarjen e rëndë që u regjistrua sot në Vaun e Dejës, ku një 27-vjeçar u gjet i pajetë në mes të rrugës.
Gjin Ndoji, i cili u gjet me një plumb në kokë, dyshohet se mund të jetë ekzekutuar për gjakmarrje. Viktima rezulton me precedent penal në fushën e krimeve ndaj personit.
Trupi i të riut u gjet pak metra larg mjetit të tij, tip “BMË”, që e kishte marrë me qira para disa ditësh.
Bëhet me dije se policia ka gjetura në vendngjarje katër gëzhoja kallashnikovi. Ndërsa rreth një kilometër larg u gjet një automjet i shkrumbuar, që dyshohet se është përdorur nga autori, apo autorët.
