“Eskobari” turk i drogës Faruk Baybasin, i cili para pak kohësh u arrestua në Tiranë do të ekstradohet drejt Francës.
Këtë e kanë bërë me dije autoritetet shqiptare.
53-vjeçari ishte shpallur në kërkim nga drejtësia franceze, pasi akuzohej për trafik heroine, ndërsa ishte dënuar më parë në Francë me 30 vite burg.
Ai mësohet të ketë thënë se nuk ka shkelur kurrë në Francë dhe se dëshiron që të përballet me autoritetet. Baybasin ka dhënë pëlqimin e tij për ekstradimin drejt Francës.
Kujtojmë se Faruk Baybasin ishte anëtar i familjes “Baybasin”, që në Turqi janë etiketuar si “Eskobarët e Evropës”, për shkak të sasive të mëdha të heroinës, që kanë trafikuar nga Turqia drejt vendeve evropiane, që kap vlerën e 14 miliardë eurove.