Ekspertët kinezë të cilët po punojnë për gjetjen e një kure për koronavirusin ka ngritur alarmin nisur nga progresioni i infektimit dhe vdekshmërisë.
Sipas profesorit Gabriel Leung, epidemiologu kryesor në Hong Kongut, ekziston rreziku që koronavrisi mund të infektojë 2/3 e popullsisë botërore, nëse nuk merren masat e nevojshme për parandalimin e përhapjes së tij.
Me të njëjtin mendim është dhe Drejtori i OBSH-së, Tedros Anadhom, i cili u shpreh se shfaqja e virusit te persona të cilët nuk kanë udhëtuar në Kinë është vetëm maja e ajsbergut.
Shkencëtarët kanë llogaritur që një person i prekur mund të shërbejë si vatër për të infektuar mesatarisht 2.5 persona të tjerë, çka mund të sjellë një shifër të frikshme në rang global 60-80% e popullsisë botërore, shkruan “The Guardian”.
Dy ditët e fundit, virusi ka shënuar rekorde për sa i përket vdekshmërisë, dje humbën jetën 97 persona nga virusi teksa vetëm brenda 24 orëve të fundit raportohet se ka arritur 188. Deri tani kanë humbur jetën 1018 persona, teksa raportohen për mbi 43 mijë persona të prekur.
