Një lajm aspak i mirë vjen për duhanpirësit, ku sipas ekspertëve, janë personat më të rrezikuar nga koronavirusi. Drejtuesi i Institucionit të Mjekësisë për Anglinë, profesori Chris Whitty, ka paralajmëruar se duhanpirësit rrezikojnë më shumë të infektohen nga koronavirusi. Sipas tij, ata kanë probabilitet më të lartë për t’u infektuar, pasi kanë sistem imunitar më të dobët. Chris Whitty këshillon që ta lenë duhanin, dhe se ky është momenti më i mirë.
“Për shumicën e infeksioneve të frymëmarrjes, duhet të shqetësohen më tepër duhanpirësit. Ata kanë probabilitet më të lartë për t’u infektuar, pasi kanë sistem imunitar më të dobët. Nëse po mendoni të lini duhanin, është ky momenti më i mirë. Kjo nuk nënkupton se duhanpirësit duhet të izolohen. Nuk është plotësisht e qartë nëse pirja e duhanit i bën njerëzit më të prekshëm prej koronavirusit, por ekspertët thonë se në përgjithësi dëmton aftësinë e trupit për të luftuar infeksionet”, tha profesori Chris Whitty.
Epidemiologu Saskia Popescu tha për ‘Business Insider’ se kushdo ka një historik me pirjen e duhanit, është më i predispozuar të preket me këtë virus.
Profesori Sanjaya Senanayake i Universitetit Kombëtar Australian (ANU), tha se pirja e duhanit, shoqërohet me sëmundje të tjera, të cilat dobësojnë imunitetin e personit.
“Pirja e duhanit shoqërohet me sëmundje të tjera siç janë sëmundjet kronike të mushkërive dhe sëmundjet kronike të zemrës, të cilat dobësojnë imunitetin e personit. Është moment i mirë për të lënë duhanin. Gjithsej 92 njerëz në Mbretërinë e Bashkuar janë infektuar me virusin vdekjeprurës, për të cilin qeveria ka ndërmarrë një plan konkret dhe po punon për ta ndaluar të përhapet më tej”.
