Dy vajza 13-vjeçare, pjesë e një ekspedite mësimore nga Tirana, janë paraqitur në spitalin e Pogradecit pasditen e sotme, për të marrë ndihmë mjekësore.
Nxënëset e identifikuar me inicialet K. Sh. dhe Xh. S, dyshohet se mund të jenë helmuar duke drekuar në një lokal në fshatin Tushemisht.
Fatmirësisht, të dyja nxënëse ndodhen jashtë rrezikut për jetën.
“Më datë 29.05.2021, rreth orës 16:55, në Spitalin e Pogradecit, janë paraqitur për ndihmë mjekësore shtetaset K. Sh. dhe Xh. S., 13 vjeçe, pjesëtare të një ekspedite mësimore nga Tirana, që dyshohet se mund të jenë helmuar duke drekuar në një lokal në fshatin Tushemisht, Pogradec, të cilat aktualisht ndodhen jashtë rrezikut për jetën”, informon policia.
Grupi hetimor po punon për sqarimin e plotë të rrethanave të ngjarjes.
