Ish-deputeti i Partisë Demokratike, Luçiano Boçi përmes një postimi në “Facebook” ka deklaruar se Drejtoritë e shkollave, u kërkojnë prindërve të nxënësve ekselentë në Arsimin Parauniversitar, të derdhin në llogarinë e caktuar 25 mijë lekë.
Sipas tij, vetëm në këtë formë mund të quhesh ekselent sot.
Gjithashtu, ish-deputeti krahason qeverisjen e vendit nga Partia Demokratike dhe qeverisë së sotme, duke artikuluar se para vitit 2013, ekselentët merrnin një shpërblim simbolik vlerësues nga qeveria prej 50 mijë lekësh.
Postimi i Luçiano Boçit:
E TURPSHME!
…kjo që ndodh me nxënësit ekselentë në Arsimin Parauniversitar.
Drejtoritë e shkollave u kërkojnë prindërve të tyre të derdhin në llogarinë e caktuar bankare të BKT 40 11 44 035, 25 mijë lekë.
Vetëm kështu mund të quhesh ekselent tani.
Dokumentat e mëposhtëm flasin qartë. (foto)
Në vend që ata të stimulohen e të shpërblehen, siç dhe duhet, sot atyre u merren para.
Të jesh ekselent në Shqipëri duhet të paguash.
Duhet të paguash se ke merita, se mëson, se je shembull
Para 2013, çdo ekselent merrte një shpërblim simbolik vlerësues nga Qeveria prej 50 mijë lekësh.
Sot për të dalë i tillë në Librin e Artë nuk merr. Jep 25 mijë. Drejtoritë e shkollave u kërkojnë prindërve të tyre të derdhin në llogarinë e caktuar bankare të BKT 40 11 44 035, 25 mijë lekë.
Po nuk e dorëzove shumën nuk figuron i tillë! Nuk shpallesh!
Pra shkurt i bie që në Shqipëri nuk blihen vetëm vota, vetëm favore.
Sot dhe Ekselenca blihet me para.
p.s
Mos harroni gjyqin!!!
Sa të keni Qorrat e Servilët politikë në Drejtësinë e kapur, që të bardhën e bëjnë të zezë e anasjelltas, o burra sulm!
