E enjte, 21 Tetor, 2021
8.5 C
Tirana

Ekonomia gjermane jep shenja të rimëkëmbjes

Ekonomia gjermane u rrit me 1.6% në tremujorin e dytë të 2021, falë kryesisht shpenzimeve të konsumatorëve të brendshëm, pas lehtësimit në pranverë të masave mbyllëse për shkak të koronavirusit.

Rritja ka ndihmuar ekonominë e Gjermanisë të dalë nga një nivel i ulët ekonomik, pas tkurrjes në fillim të vitit.

Ndërkohë, shpenzimet e shtetërore u rritën, pasi si qeveritë e landeve, ashtu edhe qeveria federale e organizmat lokale morën mbi vete pjesën më të madhe të barrës ekonomike të pandemisë. Çfarë tregojnë shifrat?

Kriza kishte nxitur një rënie të performancës ekonomike në masën prej minus 2% për tremujorin e parë të vitit 2021.

Produkti i Brendshëm Bruto u rrit

Ndërsa të martën, Zyra Federale e Statistikave publikoi se Produkti i Brendshëm Bruto u rrit me 1.6% midis prillit dhe qershorit, në krahasim me tremujorin e mëparshëm.

Me zbutjen graduale të masave mbyllëse në pranverë, shpenzimet e konsumit përfundimtar në tremujorin e dytë të 2021 u rritën ndjeshëm në krahasim me fillimin e vitit.

Coronavirus | Köln Menschen beim Einkaufen

Dy faktorë kryesorë ndihmuan në nxitjen e rimëkëmbjes së ekonomisë. Shpenzimet e konsumit të familjeve u rritën me 3.2% në tremujorin e parë, ndërsa një masë e shpenzimeve të qeverisë u rrit me 1.8%.

Efektet e pandemisë megjithatë ende janë të dukshme. Krahasuar me tremujorin e katërt të vitit 2019 – tremujorin para fillimit të krizës së koronavirusit – PBB është 3.3% më i ulët.

‘Ana e errët’ e rimëkëmbjes ekonomike

Shpenzimet publike për të zbutur pasojat ekonomike të krizës lanë një vrimë prej 80.9 miliardë eurosh në financat publike për gjysmën e parë të vitit 2021.

Kjo shumë i përgjigjet një deficiti të sektorit publik prej 4.7% të PBB – më i madhi në 26 vitet e fundit.

Kryekonomisti i bankës ING, Carsten Brzeski, i tha agjencisë së lajmeve DPA se ai e shihte deficitin e madh publik si “anën e errët të rimëkëmbjes së shpejtë ekonomike”.

“Meqenëse është shteti që mban pjesën më të madhe të dëmit ekonomik të shkaktuar nga pandemia, ekonomia do të jetë kthyer në nivelet e para krizës deri në fund të vitit,” tha ekonomisti.

“Por buxheti i shtetit do të vazhdojë të jetë i ngarkuar,” tha ai. /DW

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...