Ekonomia botërorë për shumë vende të ndryshme nuk po shkon dhe aq mirë sa duhet. Kjo është e vlefshme edhe për shtetet e fuqishme që janë promotor të ekonomisë por edhe për shtetet me ekonomi të dobët. Kur bëhet fjalë për ekonominë e SHBA-vë interesi është shumë më i lartë sepse ekonomia e tyre ndikon drejtpërdrejtë dhe jep efektet e saj në ekonominë globale. Gati tre të katërtat e ekspertëve të pyetur nga Instituti gjerman IFO, ishin të mendimit se Donald Trump e ka ndikuar negativisht ekonominë botërore. IFO publikoi sot një sondazh me 929 ekspertë nga 120 vende të botës. 57,2% e ekspertëve të pyetur janë të mendimit, se ardhja e tij në pushtet e ka rënduar ekonominë amerikane.
Por ndikimin më negativ të politikës së Trumpit ekspertët e shohin në fushën e drejtësisë sociale dhe mbrojtjes së mjedisit. 73,5 të ekspertëve të anketuar dhe 61,2 të ekspertëve në SHBA janë të mendimit se më shumë vuajnë të varfrit nga politika e Trumpit, si ajo e parashikuar ashtu edhe ajo e jetësuar ndërkohë, transmeton DW.
Më kritikë janë ekspertët nga Kanadaja, Meksika e Irlanda. Më pak kritikë janë ekspertët amerikanë. Vetëm 38% e tyre janë shprehur, se presidenca e Trumpit ka sjellë pasoja negative brenda vendit. Por megjithatë ata vazhdojnë ta konsiderojnë qeverinë e Trumpit si jo efektive dhe të dëmshme për politikën e brendshme në SHBA.
