Gjyqi për këngëtaren Fjolla Morina është shtyrë për në orën 13:00. Ajo u paraqit sot në gjykatë, e shoqëruar nga forcat e policisë, për t’u njohur me masën e sigurisë. Dje u bë me dije se ajo është shtatzënë.
Organi i akuzës kërkon që të vijë gjinekologu në seancën gjyqësore për Fjolla Morinën, e cila duhet të japë 5 mln lekë garanci.
Prokuroria e Kukësit ka kërkuar “arrest shtëpie” për këngëtaren, dhe garanci pasurore pasi këngëtarja është shtatzënë. Organi i akuzës është shprehur se duhet të jetë edhe gjinekologu prezent, dhe se nuk mund të vërtetohet shtatzënia me një eko.
Këngëtarja ka kërkuar gjithashtu që të mos kishte kamera. “Kamerën kërkova mos me e sjellë këtu, s’du me i pa,”– tha ajo gjatë seancës.
34-vjeçarja përfundoi në spital në momentin kur u arrestua, dhe u transferua në policinë e Kukësit, pasi nuk ndihej mirë. Por tashmë po thuhet se ajo është në pritje të ëmbël.
Fjolla ka pranuar autorësinë e armëve, ndërsa është shprehur se i kishte harruar në çantë, ndërsa në “Audi” ndodhej së bashku me dy personat e tjerë.
