Me anë të një njoftimi zyrtar, Ambasada Amerikane në Shqipëri u ka kërkuar shtetasve amerikanë që të organizojnë kthimin e menjëhershëm në SHBA.
Në këtë situatë emergjente në të cilën ndodhet Shqipëria, si pasojë e pandemisë së koronavirusit, apeli i radhës nga Ambasada është që shtetasit e vetë të kthehen në atdhe, duke kaluar tranzit për nga Stambolli.
Në njoftimin zyrtar thuhet se të gjitha pikat kufitare janë të mbyllura, dhe për momentin ka vetëm një fluturim ditor që niset nga Shqipëria, i kompanisë Air Albania. “Fluturimi i Air Albania niset nga Tirana për në Stamboll, ku ju mund të merrni fluturimet për në Shtetet e Bashkuara”, citohet më tej.
Aktualisht janë 146 të infektuar, 17 prej të cilëve janë shëruar dhe 5 viktima. Lezha, Shkodra, Vlora, Kavaja e Elbasani janë qytetet e tjera të prekura. Gjendja e të shtruarve në pavion është e stabilizuar deri më tani, ndërkohë që autoritetet bëjnë thirrje që qytetarët të qëndrojnë brenda në shtëpi.
Njoftimi
Ambasada e SHBA nxit qytetarët amerikanë të planifikojnë kthimin e menjëhershëm në Shtetet e Bashkuara, përveç rasteve kur jeni të përgatitur për të qëndruar në Shqipëri për një kohë të pacaktuar. Të gjitha pikat kufitare janë të mbyllura dhe për momentin ka vetëm një fluturim ditor që niset nga Shqipëria, i kompanisë Air Albania. Nuk ka asnjë information të dhënë për sa kohë do të vazhdojë ky fluturim. Fluturimi i Air Albania niset nga Tirana për në Stamboll, ku ju mund të merrni fluturimet për në Shtetet e Bashkuara. Për më shumë informacion, klikoni këtu: https://bit.ly/2UiEëBQ
Qytetarët amerikanë në Shqipëri që kanë nevoje për ndihmë urgjente, ju lutemi të nisni një email në: [email protected]
