Një ditë pasi e pezulluan nga detyra për shkak të përplasjes tek ndërtesa te “Petro Nini”, mësohet se sot efektivja e repartit ‘Shqiponja’ ka marrë një lajm të mirë.
Kujtojmë këtu se drejtuesit e policisë së Tiranës i komunikuan gojarisht urdhrin e pezullimit, me motivacionin se ka penguar punonjësit e policisë në ushtrimin e detyrës.
Por sot i kanë komunikuar Blerta Dervishit se do të vijojë të jetë punonjëse e policisë pranë Repartit “Shqiponja”, në Policinë e Tiranës.
Ajo banon bashkë me 14 persona të tjerë në ndërtesën tek “Petro Nini”, ndërsa dy ditë më parë Përmbarimi shkoi pranë tyre për t’i nxjerrë jashtë, pasi tokës ku është ndërtuar banesa i ka dalë pronari.
