Gazetarja e kronikës, Klodiana Lala e ftuar në studion e emisionit “Byro Politike” ka folur rreth ngjarjeve kriminale ndodhur kohët e fundit.
Lala është shprehur se bandat janë bërë agresive për shkak të ruajtjes së territorit të tyre, ndërsa shtoi se disa efektivë policie kanë ndihmuar grupin kriminal ‘Bajri’.
Por, kjo deklaratë ka ngjallur reagimin e zv.ministrit të Brendshëm, Julian Hodaj duke iu drejtuar gazetares se po përbaltë policinë.
“Mos u bëni tellall, po bëni dy gabime. Së pari nëse ju si gazetare nuk keni prova, po flisni kot, në ajër. Gabimi i dytë, nëse keni burim nga Prokuroria, po bëni prapë gabim se po nxirrni sekretin hetimor. Ju po përbaltni kot Policinë”, deklaroi Hodaj.
