Gjatë një takimi me banorët e Kasharit, kryeministri Edi Rama e ka nisur fjalën e tij duke i dhënë një ultimatum Berishës dhe Partisë Demokratike.
Rama risolli në vëmendje deklaratën e Berishës, i cili u shpreh se nuk do e votojnë Vettingun me drejtorët e Edi Ramës, ndërsa tha se nëse kjo nuk ndodh, atëherë marrëveshja bie direkt:
“Unë Saliut i them vetëm një gjë; Sali nëse PD nuk do të zhbllokojë me votat e deputetëve të saj, që bashkë me deputetët tanë duhet të përzgjedhin nga lista e ekspertëve, anëtarët e dy komisioneve të Vettingut, pra nëse Partia Demokratike nuk do e zhbllokojë brenda majit, marrëveshja është e prishur. Vettingu është arsyeja themelore pse ne bëmë marrëveshje.”
