Kryeministri i Maqedonisë, Zoran Zaev, ashtu si presidenti Thaçi, do të marrë pjesë në Kuvendin e Përgjithshëm të 72-të të Kombeve të Bashkuara në New York.
Zaev shoqërohet nga ministri i Punëve të Jashtme, Nikolla Dimitrov dhe ministrin pa resor i angazhuar për diasporën, Edmond Ademi.
Pritet që Zaev të takohet me presidentin amerikan Donald Trump gjatë vizitës së tij në SHBA, e cila do të zgjasë deri më 23 shtator.
Kryeministri i Maqedonisë do të marrë pjesë në hapjen solemne të punës së Kuvendit të Përgjithshëm, ku do të mbajë një fjalim në plenumin e debatit të përgjithshëm më 22 shtator.
Gjithashtu, Zaev do të takohet edhe me sekretarin e përgjithshëm të OKB-së, Antonio Guterres, si dhe me kryetarin e Këshillit të Evropës, Donald Tusk.
