Shtetet e Bashkuara të Amerikës po shohin një rritje shumë të shpejtë të numrit të infektuarve dhe viktimave të shënuara nga koronavirusi.
Sipas Worldometer, numri i viktimave në SHBA ka arritur në 3,424, duke ia kaluar kështu edhe Kinës (3,305), e cila deri para pak muajsh mbante kryesimin.
OBSH ka paralajmëruar disa ditë më parë se SHBA mund të kthehej në epiqendrën më të re të koronavirusit, duke u bazuar te shtimi i rasteve në një kohë të shkurtër.
Tashmë SHBA renditet e treta në botë për nga numri i viktimave, pas Italisë dhe Spanjës. Italia mban ende vendin e parë me 12,428 viktima, teksa vetëm për 24 orët e fundit ka shënuar mbi 800 viktima. Ndërsa Spanja e cila mban vendin e dytë, regjistron 8,189 viktima.
Më shumë se 824 mijë persona nga e gjithë bota janë prekur nga COVID-19. Ndërsa 40,673 persona kanë humbur jetën nga virusi vdekjeprurës.
