Për herë të parë pas lajmit të ndarjes, këngëtarja Ronela Hajati ka folur gjatë emisionit “Mirage” për Young Zerkën. Sipas miqve të dyshes, arsyeja që çoi në ndarjen e tyre, ishte fakti që Ronela dëshironte ta zyrtarizonte lidhjen me Zerkën, pasi çifti bashkëjetonte gjithashtu. Por Zerka aspironte tjetër gjë, të qenit shpirt i lirë dhe kjo ka bërë që marrëdhënia e tyre të përfundojë. Ndërsa ka thuruar lavdet për të, këngëtarja e cilëson si një koleg mjaft të mirë. Për të, Young Zerka mbetet një njeri i drejtë, pozitiv e me një zemër të madhe.
“Jemi kolegë të mirë dhe Aldo (Young Zerka) është djalë shumë i mirë, ka një karakter që nuk e gjen shumë shpesh të ngelur nëpër kolegë, art, por edhe në njerëz jashtë saj.
Është njeri i drejtë, shumë pozitiv, ka një zemër të madhe, ka ndihmuar shumë njerëz, me aq sa ka pasur mundësi, që nuk besoj se e ka marrë mbrapsht.
Ka bërë hite dhe u ka dhënë hite njerëzve që mendoj se nuk ia kanë kthyer fare ‘feedback’-un. Mendoj se meriton shumë më tepër sesa po i serviret nga showbiz-i. Është shumë i talentuar, e do shumë atë që bën. Është djalë që ka shumë vlera”, tha Ronela.
