Një 20-vjeçare e cila ndodhej në gjendje kome në Spitalin e Traumës, ka ndërruar jetë gjatë ditës së sotme. Bashkë me të ndjerën shkon në 51 numri i viktimave nga tërmeti i 26 nëntorit, që goditi rëndë Thumanën dhe Durrësin.
E reja që u nda nga jeta pas plagëve të marra në kokë, është identifikuar si Xh. Biqiku.
Transporti i saj drejt Italisë ka qenë i pamundur, për shkak të gjendjes kritike për jetën në të cilën ndodhej.
20-vjeçarja është viktima e parë nga tërmeti që shënohet në Tiranë. Ajo kishte marrë goditje të rënda në kokë, pasi teksa kishte tentuar të dilte nga banesa me prindërit, i kishin rënë disa tulla në kokë.
