Një biznesmen, pronar i një pike karburanti u vra mbrëmjen e djeshme me armë zjarri. Autori i ka zënë pritë dhe e ka ekzekutuar. Ende nuk dihen motivet, ndërsa policia ka nisur hetimet për zbardhjen e ngjarjes.
Lidhur me këtë rast, kryetari i Bashkisë së Tropojës, Rexhë Byberi, në një prononcim për “Report Tv” u shpreh se viktima njihej në komunitet si njeri i qetë dhe pa probleme.
Ai ka bërë me dije se kjo është vrasja e parë brenda në qytet pas 18 viteve. “Unë nuk e njoh për njeri me probleme, ishte i qetë. Nuk e di nëse ka hakmarrje. Brenda në qytet kjo është vrasja e parë që ndodh pas 18 viteve”, përfundoi ai.
Tronditet Tropoja/ 47-vjeçari ekzekutohet në derën e karburantit
