Për të shmangur prekjen nga koronavirusi, duhet të kini parasysh që të linë jashtë shtëpisë rrobat dhe këpucët.
Walter Ricciardi i Organizatës Botërore të Shëndetit, tha në emisionin italian “Non è la d’Urso”, se rrobat dhe këpucët duhen lënë jashtë shtëpisë, për të shmangur ngjitjen e virusit.
Sipas tij, është vërtetuar shkencërisht se koronavirusi mund të bashkohet me sipërfaqe, dhe përmes kontaktit me duar, më pas mund të shkaktojë ngjitje. Ai tha më tej se me mjaft rëndësi është dezinfektimi i rrugëve. Sikundër është mjaft e rëndësishme që të mbani distancën dhe të lani shpesh duart.
“Praktika e dezinfektimit të rrugëve dhe sipërfaqeve është shumë e rëndësishme, ashtu si është e nevojshme të mbani distancën tuaj dhe të lani duart shpesh”, përfundoi eksperti.
Koronavirusi shkakton simptoma tipike respiratore. Më poshtë paraqiten rekomandimet kryesore:
Lani shpesh duart me ujë dhe sapun ose pastrojini ato duke i fërkuar me pastrues me bazë alkooli;
Kur kolliteni apo teshtini, mbuloni gojën dhe hundën me gropëzën e bërrylit ose shami letre. Hidheni menjëherë shaminë e letrës në koshin e plehrave dhe pastaj lani duart;
Mënjanoni kontaktet e ngushta me këdo që ka temperaturë dhe kollë;
Mbani një distancë të caktuar – të paktën një metër – nga njerëzit e tjerë, veçanërisht kur kolliten ose teshtijnë ose nëse kanë ethe, sepse virusi gjendet në spërklat e pështymës dhe mund të transmetohet nëpërmjet frymëmarrjes në distancë të afërt.
Paraqituni tek mjeku nëse keni kollë, temperaturë apo vështirësi në frymëmarrje dhe raportoni historinë e udhëtimeve nëse keni udhëtuar kohët e fundit;
Udhëtarët që kanë patur kontakte me raste të konfirmuara apo ekspozim direkt ndaj një burimi të mundshëm të infeksionit duhet të vendosen në observim mjekësor. Kontaktet me rrezik të lartë duhet të mënjanojnë udhëtimet për periudhën e inkubacionit deri në 14 ditë.
