Deputeti Adriatik Alimadhi është konfirmuar pozitiv me koronavirus. Lajmi është konfirmuar nga vetë deputeti, i cili ka postuar në rrjetin social Facebook një foto nga shtrati.
Alimadhi akuzoi kryeministrin Rama për mungesën e infrastrukturës në spitale, dhe për autoambulancën e rrënuar, e cila e kishte çuar për në Sanatorium ku edhe bëri analizat.
Lidhur me këtë çështje, një kundërpërgjigje ka pasur nga vetë kryeministri Rama, i cili si fillim i ka uruar shërim të shpejtë. Me ironi ai ia kthen se i mirëkupton fjalët e tepërta në kushtet në të cilat ndodhet. E po kështu e këshillon që të ndjekë këshillat e bluzave të bardha.
Statusi
I uroj shëndet e shërim të shpejtë zotit Alimadhi dhe i mirëkuptoj fjalët e tij të tepërta në kushtet në të cilat ndodhet, duke iu lutur të ndjekë këshillat e mjekëve e mos mbistresohet për strategjinë e luftës, të cilën e vendosin ekspertët e shkëlqyer që kemi jo ne politikanët!
I uroj shëndet e shërim të shpejtë zotit Alimadhi dhe i mirëkuptoj fjalët e tij të tepërta në kushtet në të cilat ndodhet, duke iu lutur të ndjekë këshillat e mjekëve e mos mbistresohet për strategjinë e luftës, të cilën e vendosin ekspertët e shkëlqyer që kemi jo ne politikanët!
— Edi Rama (@ediramaal) March 27, 2020
