Ish-Ministri i Drejtësisë, Ylli Manjani, ka shpërthyer në akuza të rënda ndaj kryeministrit Rama. Legalizimi i hashashit nga qeveria Rama, sipas Manjanit, do të thotë të legalizosh vrasjen e njerëzve.
Duke bërë një pasqyrim të realitetit, Manjani thotë se droga është shkaku që njerëzit vrasin njëri-tjetrin sot.
“Larje hesapesh”, “precedentë penalë” e “trafikantë”, janë ndër arsyet që për fat të keq ata kthehen edhe pjesë e kronikave.
Mjaft i revoltuar për çfarë po ndodh mes bandave, ku marrin jetë njerëzish për trafikimin e mallit të tyre, Manjani paralajmëron se çdo gjë e ka një cikël.
Pak më herët, kryeministri Edi Rama njoftoi se qeveria shqiptare po studion lejen për ligjërimin e prodhimit të hashashit për arsye mjekësore, sikur e kanë disa vende në botë, mes tyre fqinji jonë, Maqedonia. Ai tha se qeveria është në fazë të avancuar, por jo në kapitullin e fundit të diskutimit të kësaj çështje.
Statusi
Droga po i përplas shqiptarët barbarisht me njëri-tjetrin.
Shqiptari e vret shqiptarin për tregun e drogës, për parcelën e hashashit, për mos larjen e detyrimit të zi.
Droga nuk i lë njerëzit të bëjnë asnjë punë tjetër. Nuk i lë as të shijojnë frutet e asaj që kanë arritur. I josh paraja e madhe e trafikut. I josh ideja e të qënit “i fortë” dhe me mbështetje nga “dikushi” atje lart…
Por në vijim droga i bën me hije, i bën me roje personale, i mbath me armë e i bën “të fortë”. Derisa del një tjetër më “i fortë”….
Boom! Mu aty ku nuk e pret.
Kaq ishte. Të fikin dritën…
Po bëhet rutinë kjo gjë….
Droga shkatërron jetën, familjen, fëmijë e të rinj. Nuk fal askënd!
Kush ka dy pare mend nuk i afrohet atij helmi.
Droga është shkaku që njerëzit vriten e vrasin sot. Lajnë hesape e presin ti lajnë për hesap. Bëhen lajm derisa vdesin për t’u bërë lajm.
Lavdia e lajmit nuk zgjat shumë, sepse vjen lajmi tjetër. “Larje hespesh”, “precedentë penalë” e “trafikantë” të tjerë dalin në lajme…
Kriminale!
Nuk falet qeveria që nxit njerëzit të merren me drogë!!!
Si tha?! Do ta legalizojë drogën. Pra do të legalizojë vrasjen e njerëzve.
Ska faj! “Merr frymë thellë” pas çdo larje hesapi… E tha pa ju drithur zëri e as skuqur fytyra e nxirë nga turpi.
Nuk e di çfarë duhet ti ndodhë më shumë këtij vendi!?
Do edhe mandat tjetër, pa le!
Kush do le tja japë, por mbaruan bodyguardët… S’janë më interesantë as për lajm… Për ekonomi e familje, jo e jo.
