Ish-prefekti i Shkodrës Çesk Millja është prononcuar sot për herë të parë pas vendimit të Qeverisë për shkarkimin e tij nga detyra.
Përgjatë një deklarate mediatike ai theksoi se sot ka dorëzuar detyrën:
“Kjo nuk është kohë deklaratash, por është kohë për punë. Sot është ditë pune për të rritur masat ndaj parandalimit të këtij fenomeni të vështirë në të cilin kombi ka rënë. Do iu thoja që themelore është të marrim masa e të punojmë së bashku për të realizuar atë detyrë që të ruajmë jetën e njerëzve dhe të bëhemi bashkë për këtë qëllim.
Kemi punuar me shumë përkushtim gjatë këtyre ditëve, por edhe më përpara kur kam mbajtur detyrën. Kemi menaxhuar situatën dhe kemi zbatuar të gjitha rregullat dhe aktet e nxjerra për situatën”.
I pyetur për motivacionin e shkarkimit, Millja u përgjigj: “Shkresa ka vetëm lirohesh nga detyra dhe asgjë më shumë. Nuk kam shumë komente për këtë. Falenderoj të gjithë për bashkëpunimin dhe ju uroj punë të mbarë”.
