E diel, 22 Maj, 2022
20.5 C
Tirana

“E shiti një informator i brendshëm”/Detaje tronditëse nga atentati në Lushnje

Mbrëmjen e djeshme, një atentat në mes të qytetit ka tronditur Lushnjen. 34 vjeçari Bledar Muça është ekzekutuar me breshëri kallashnikovi, në ambientet e lokalit të tij bar “Pedonale”.

Ai ishte i ulur në tavolinë duke pirë kafe, kur u qëllua për vdekje, ndërsa nga breshëria e plumbave u plagosën pesë persona të tjerë, mes tyre edhe dy femra.

Të plagosur nga të shtënat kanë mbetur Judin Velo, 32 vjeç, Ervis Tafa dhe Sara Liçi, 24 vjeç ndodhen në terapi intensive, ndërsa dy të plagosurit e tjerë Eksara Sauli, 26 vjeç dhe Majlinda Gjyli 66 vjeçe, ndodhen jashtë rrezikut për jetën. Ambulanca ka mbërritur në vendin e ngjarjes, duke bërë të mundur transportimin e tyre në spital.

Biznesmeni ka qenë me kunatin duke pirë kafe

Në momentin e atentatit, biznesmeni Bledar Muça ka qenë me kunatin Judin Velo duke pirë kafe. Ai ka qenë objektivi i atentatorëve, ndërsa të plagosurit e tjerë ishin klientë të rastësishëm. Bëhet me dije se viktima nuk njihej si “problematik”, dhe prej 4 vitesh administronte disa biznese në Lushnje, përfshirë edhe një loto. Ne te njëjtën kohë është administrator i njerit prej tregjeve të mëdha në qytet.

Vrasësit kanë patur një informator të brendshëm

Burime ende jo zyrtare nga policia thanë se vrasësit kanë patur një informator të brendshëm, që u jepte detaje për lëvizjet e Bledar Muçës. Deri tani nuk ka asnjë person të dyshuar. Policia po punon për kapjen e autorëve.

Autorët dyshohet se kanë qenë dy

Autorët dyshohet se kanë qenë dy, ku njëri ka zbritur nga makina tip “Golf” me ngjyrë të zezë dhe ka qëlluar të paktën rreth 20 herë me breshëri kallashnikovi drejt lokalit, ku ishte ulur shënjestra. Plumbat dyshohet se i kanë kapur rastësisht pesë të plagosurit. E gjithë kjo skenë ka ndodhur ndërsa lokali ka qenë i mbushur me njerëz.

Gjendet një makinë e djegur, dyshohet se është e autorëve

Një makinë e djegur është gjetur pas atentatit poshtë urës së Rrogozhinës në Lushnje, që dyshohet se është e atentatorëve të Bledar Muçës. Atentatorët janë ndihmuar nga persona të tjerë për t’u larguar. Policia ka ngritur pika kontrolli në hyrje-dalje të qytetit, dhe po vijon krehja e zonës me qëllim kapjen e tyre. Gjithashtu edhe në Elbasan janë ngritur pika kontrolli në hyrje të këtij qyteti, dhe po kontrollohen automjete nëse autorët kanë mundur të dalin nga qyteti pa lënë gjurmë.

TIRANA TODAY

- Reklama -

Më shumë nga kategoria




Të fundit

Avokatja e Johnny Depp bëhet personazh në internet

Miliona shikues anembanë globit po ndjekin betejën ligjore midis Johnny Depp dhe Amber Heard, dhe ndërsa drama shpaloset, një yll i ri ka dalë...

Lija e majmunit: Koha për t’u shqetësuar apo për ta injoruar?

Deri më tani, lija e majmunëve ishte mjaft e parashikueshme. Shtëpia natyrore e virusit janë kafshët e egra, të cilat në fakt mendohet se...

Anthony Albanese fiton zgjedhjet, zgjidhet kryeministri i Australisë

Anthony Albanese do të bëhet kryeministri i parë i vendit, nga një prejardhje jo anglo-keltike. Një nga politikanët më jetëgjatë të Australisë, ai thotë se...

A u dekonspirua operacioni i SPAK? Gledis Nano paralajmëron goditjet e radhës

Drejtori i Policisë së Shtetit, Gledis Nano, ka konfirmuar se operacioni i SPAK është ende në proces. Teksa është pyetur nëse operacioni "Plumbi i...

Rusia ndalon furnizimin me gaz në Finlandë

Rusia ka konfirmuar mëngjesin e sotëm se ka ndaluar furnizimin me gaz për Finlandën, përshkallëzimi i fundit i një mosmarrëveshjeje për pagesat e energjisë...