Policia e Tiranës ka përcjellë detajet e para në lidhje me ngjarjen e ndodhur mesditën e sotme, ku katër punonjës ranë nga skela. Blutë e Tiranës bëjnë me dije se nga një ndërtesë në rikonstruksion është shkëputur një pjesë e skelës metalike.
Shtetasit G. B., 44 vjeç dhe E. L., 34 vjeç, janë dërguar në spital për ndihmë mjekësore.
Dy punëtorë të tjerë i ka zënë skela poshtë, e ndërsa është nxjerrë trupi i pajetë i njërit prej tyre.
Deklarata
Rreth orës 15:00, në rrugën e “Elbasanit”, nga një ndërtesë në rikonstruksion është shkëputur një pjesë e skelës metalike.
Si pasojë e shkëputjes së skelës janë dëmtuar 4 nga punëtorët, të cilët ndodheshin duke punuar pranë këtij objekti, shtetasit G. B., 44 vjeç dhe E. L., 34 vjeç të cilët janë dërguar në spital për ndihmë mjekësore.
Dy punëtorë të tjerë i ka zënë skela poshtë, dhe në këto momente është nxjerrë trupi i pajetë i njërit prej tyre.
Policia e zjarrfiksja vijojnë punën për nxjerrjen e personit tjetër.
Policia ka shoqëruar administratorin e punimeve, për veprime të mëtejshme.
Grupi hetimor ndodhet në vendngjarje, ku po vijon punën për sqarimin e mëtejshëm të rrethanave të ngjarjes.
