Pak momente më parë një pacient vrau veten duke u hedhur nga kati i katërt i spitalit “Shefqet Ndroqi”, ku ishte i shtruar nga Covid-19. Gazetari Erion Skëndaj ka raportuar se pas vetëvrasjes së tij, edhe një tjetër person ka tentuar të bëjë të njëjtin veprim, por është ndaluar në kohë.
“65-vjecari ka shkuar në spital në gjendje të rëndë shëndetësore dhe është futur menjëherë në trajtim intensiv, ndonëse jo i intubuar. Ai është nga zona e Fushë Krujës, Laçit. Ka pas dhe një tentativë tjetër, të një presoni që është ndaluar në kohë nga stafi mjekësor. Nëse nuk merren masa për një trajtim psikologjik të të sëmurëve mund të ketë edhe raste të tjera. Këta persona kanë nevojë për psikologë, për dikë që të dijë t’i qetësojë, t’iu japë shpresë se kjo sëmundje nuk është fatale” tha Skëndaj.
