Tirana është tronditur nga një ngjarje e rëndë mbrëmjen e sotme.
Mësohet se një vrasje ka ndodhur brenda familjes në zonën e Bathores.
Sipas informacioneve të policisë bëhet me dije se kunati ka vrarë kunatën.
”Më datë 15.09.2020, rreth orës 17:40, në Bathore, në rrugën “Apollonia”, pas një konflikti të çastit, për motive ende të paqarta dyshohet se shtetasi A.T., ka vrarë me armë zjarri kunatën e tij, shtetasen J.H”, informon policia.
Ende nuk dihen motivet e ngjarjes, teksa dyshohet se ngjarja ka ndodhur për shkak të një konflikti midis dy familjeve.
Menjëherë forca të shumta policie kanë shkuar në vendngjarje dhe kanë rrethuar zonën ku vijon krehjen e zonës për kapjen e autorit.
Gjithashtu është ngritur Grupi hetimor dhe nën drejtimin e Prokurorisë po vijon puna për sqarimin dhe dokumentimin e plotë të rrethanave të ngjarjes.
