Një aksident i rëndë me pasojë vdekjen ka ndodhur ditën e sotme në portin e Durrësit.
Një punonjëse 25-vjeçare është përplasur nga një kamion, dhe për pasojë ka humbur jetën.
”Më datë 07.01.2021, në orën 15:30, në lagjen nr.3, Durrës, në ambientet e portit, shtetasi F. K., 39 vjeç, duke drejtuar mjetin tip “Man”, trajler, ka aksidentuar shtetasen A. H., 25 vjeçe, e cila për pasojë ka ndërruar jetë.”, informon policia.
Drejtuesi i mjetit është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
