Një ngjarje e rëndë është regjistruar në Itali, teksa një fëmijë 2-vjeçar ka vdekur pasi u la i kyçur në makinë për gati 5 orë.
Sipas mediave italiane, babai i fëmijës ishte ai i cili e kishte harruar djalin e vogël në makinë. Babai ishte nisur si çdo ditë për punë, dhe kishte marrë edhe djalin 2-vjeçar për ta dërguar në kopsht në orën 8, por e ka harruar atë në makinë.
Në momentin që e ëma e vogëlushit ka shkuar në kopsht rreth orës 13:00, për të marrë djalin, ajo nuk e kishte gjetur aty.
Gruaja ka marrë menjëherë në telefon burrin e saj, i cili në atë moment e ka kuptuar se çfarë kishte ndodhur. Ai nxitoi për në parkingun e universitetit, drejt makinës ku e ka gjetur pa shenja jete vogëlushin, i cili kishte ndenjur pothuajse 5 orë në makinë.
