Tropoja është tronditur orët e parë të ditës së sotme nga një ngjarje e rëndë. Biznesmeni Guxim Gjuriqi është ekzekutuar nga një breshëri automatiku.
Ndërkohë, për ngjarjen kanë dalë detaje të reja. Sipas Bw, Gjuriqi është vrarë jashtë lokalit nga një breshëri automatiku nga një makinë në ecje. Për më tepër, ngjarja është filmuar nga kamerat e sigurisë, të cilat janë sekuestruar nga Komisariati i Tropojës.
Për ngjarjen janë shoqëruar dhjetëra persona për t’u marrë në pyetje. Në orët në vijim, pritet të bëhen publike dhe detaje të tjera nga ngjarja.
Pistat e dyshuara të vrasjes janë për konflikte të kohëve të fundit ose për shkak të konkurrencës. Guxim Gjuriqi ishte person pa precedent të mëparshëm kriminalë.
