Duket se përballjet mes Ramës e PD-së nuk kanë të ndalur. Goditjet me vezë e me bojë janë kthyer në pjesë e pandashme e një shfaqje të shëmtuar në Kuvend. Seanca e kësaj të enjteje nisi me tensione, madje kur i pranishëm ishte edhe kreu i Kuvendit të Maqedonisë, Talat Xhaferi. Kryetari i grupit parlamentar të PD, Edi Paloka, i hodhi në fytyrë shishen e bojës. Partia Demokratike ka sqaruar arsyet përse deputeti Edi Paloka spërkati me bojë kryeministrin Rama.
Sipas PD-së, Edi Paloka e gjuajti me bojë Edi Ramën, pasi ky e talli në mënyrë të përsëritur për shkak të mënyrës së të folurit. “Gjuatja me bojë është mospranim i bullizmit të ushtruar nga kryeministri për të cilin është dëshmitar i gjithë opinioni publik”.
Në seancën e fundit plenare, kryeministri Rama ka bërë gjeste të papranueshme ndaj deputetit demokrat, ndërkohë që ky i fundit iu kundërpërgjigj sot në këtë mënyrë.
