Djali i ish-zv-drejtorit të policisë është vënë në pranga, pasi është autori i një aksidenti ndodhur një ditë më parë. Jehon Breçani, djali i ish-zv.drejtorit të Policisë së Shtetit, Erzen Breçani, është prangosur një ditë pasi ka përplasur me mjetin e tij luksoz 24-vjeçaren Xhesina Gega.
Kjo e fundit ka qenë duke ecur në trotuar, ndërsa i ka këputur këmbën. E reja i është nënshtruar një operacioni në Spitalin e Traumës, dhe aktualisht ndodhet në terapi intensive, në gjendje kritike për jetën. 24-vjeçarja ka qenë duke ecur në trotuar kur 19-vjeçari ka humbur drejtimin e makinës luksoze tip “Benz”, që i jepte me shpejtësi dhe ka përplasur të renë, duke i këputur njërën këmbë dhe duke i shkaktuar plagë të rënda në trup dhe fytyrë.
Njoftimi i policisë
“J. B., 19 vjeç, pasi ditën e djeshme në rrugën “Xhanfize Keko”, ka aksidentuar këmbësoren shtetasen Xh. G., 24 vjeçe, e cila ndodhet në spital, nën kujdesin e mjekëve. Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme”.
