Mjeku Erion Dasho, ka shprehur haptazi kritikat ndaj Ministres së Shëndetësisë, Ogerta Manastirliu, lidhur me një postim, që sipas tij, është i pavend. Në kohën kur e gjithë bota po lëngon nga pasojat alarmuese që po lë koronavirusi, ministrja është marrë me rastin e një të moshuari që ka kryer një ndërhyrje në sy.
Eksperti i Shëndetit Publik kërkon nga ana e ministres, që ti kthehet realitetit ku po jetojmë, pasi pandemia ka marrë përmasa alarmuese.
Sipas tij, operacioni i kataraktës hyn në ndërhyrjet aspak urgjente, që në këto kushte mund të ishte planifikuar në një periudhë më të qetë.
Statusi
E pabesueshme!!!
Në kohën kur epidemia nga COVID ka marrë përmasa alarmuese, Ministrja e Shëndetësisë bën të tilla postime!!!
Operacioni i kataraktës hyn në ndërhyrjet aspak urgjente që në këto kushte mund të ishte planifikuar fare mirë në një periudhë më të qetë të epidemisë!
Zonja ministre, kthehuni me këmbë në tokë!
Mijëra bashkëmoshatarë të Gjysh Sadullait (të cilit i uroj jetë të gjatë dhe shëndet të plotë) po testohen për COVID duke paguar nga xhepi 100 euro, po blejnë receta me vlerë qindra euro, po marrin oksigjen në shtëpi me vlerë mijëra euro!
Boll me propagandë dhe demagogji!
Merrni masa për të mbrojtur shëndetin dhe jetën e qytetarëve tuaj!
