Një plagosje me armë ndodhi sot në Vlorë, ku autori thuhej se kishte marrë armën e të atit dhe kishte qëlluar mbi kunatin. Lidhur me këtë rast, detaje të reja janë hedhur në dritë. 25-vjeçari Xhuliano Muço kishte pasur kohët e fundit konflikt me bashkëshorten e tij, e po kështu ishin ndarë.
Pasi ka parë konfliktin mes të motrës dhe bashkëshortit të saj, autori ka marrë armën e të atit dhe ka qëlluar dy herë në drejtim të tij, duke e lënë të plagosur.
Një nga familjarët e vajzës thotë për ABC: “E ndau ai tani, tani nuk e dimë, çupa qe te ne. Unë prapë dhëndër e kam. Xhuliano u nda dy-tre ditë me të. Nuk është ndarje ajo. E kam mbesë nusen e Xhulianos. Nuk e di si ndodhi”.
25-vjeçari është shtruar në spitalin rajonal të Vlorës.
