Gjatë konferencës të përbashkët për shtyp me kryeministrin Rama, ministri i Brendshëm francez Gerard Collomb ka folur edhe për procesin e integrimit të Shqipërisë në Bashkimin Evropian.
Duke iu përgjigjur pyetjes së një gazetari, nëse Franca e mbështet integrimin e Shqipërisë në BE, Collomb tha se ky nuk është vetëm vendimi i tij, pra duhet të diskutohet.
Megjithatë ai u shpreh pozitiv, teksa përmendi faktin që presidenti Macron mbështet integrimin e Ballkanit.
Pyetja: Me kaq sa ka bërë Shqipëria, e ka mbështetjen e Francës për të hapur negociatat në prill të vitit tjetër?
Collomb: Në qeveri nuk është vetëm ministri i Brendshëm, është presidenti ai që do thotë se çfarë rruge do të ndiqet. Por, fakti që presidenti përmendi Ballkanin për t’u integruar në Evropë, tregon një drejtim. Presidenti mund të mos e kishte bërë këtë, por kjo duhet diskutuar. Vullneti i Shqipërisë është një ogur i mirë për të ardhmen dhe do na ndihmojë ne që ta mbështesim Shqipërinë në këtë proces. TIRANA TODAY
