Aktorja Adriana Matoshi ka folur për jetën e saj private. Fokusi ishte tek partneri i saj i ri, për të cilën është përfolur shumë kohët e fundit. Ajo është në një romancë me futbollistin afrikan, Keith Groeneveld.
E ftuar në “Ftesë në 5”, aktorja tha se pasi dolën disa herë bashkë, e kuptuan se ishin bërë për njëri-tjetrin. Një shoqe e saj është bërë shkak për këtë lidhje. Sa i takon së ardhmes, aktorja u shpreh se dëshiron t’ia lërë kohës dhe se aktualisht po shijon momentin.
“Ai njihte shoqen time dhe i kishte thënë për mua. Ne dolëm sepse ajo na shtyu të takoheshim dhe për shumë kohë shëtisnim bashkë dhe u njohëm.
Aty kuptova sa i pjekur ishte Keith, por nuk pati asgjë më shumë. Pastaj kuptuam që ndjenim për njëri-tjetrin. Unë jam shumë e lumtur dhe për sa kohë do vazhdojë të ketë dashuri, kjo lidhje do të zgjasë. Por nuk shkoj larg me mendimet për të ardhmen, pasi po shijoj momentin”, u shpreh Matoshi.
Adriana është nënë e katër fëmijëve, më i madhi nga të cilët është 20 vjeç. Ajo deklaroi se të katërt e kanë pritur mirë lidhjen e saj, dhe se e kanë mbështetur. Po kështu e ka suportuar edhe ish-bashkëshorti i saj.
Adriana Matoshi rrëfeu dje në emision se ish-bashkëshorti e ka mbështetur marrëdhënien e re të saj, ku i ka thënë: “Ti gjithmonë ke ditur të zgjedhësh njerëz të bukur!”.
