Pas Ermal Mamaqit, personazhi i radhës që i bashkohet debatit tejet të nxehtë Trixa-Donald-Bora, i është bashkuar edhe aktori Salsano Rrapi. Ky i fundit ka reaguar pas debatit që u zhvillua mbrëmjen e djeshme në spektaklin e “Big Brother VIP”, në lidhje me batutat e Ermal Mamaqit gjatë darkës speciale. Salsano Rrapi, me tone ironike i propozon Ermal Mamaqit që të bëjë një film me titull: “Big Kanibali”.
“Kjo video është për ty Ermal Mamaqi. Duke qenë se je dhe regjisor dhe po bën filma këto kohët e fundit, kam një ofertë për ty.
Po sikur të bëjmë bashkë një film, të jetë horror. Ti të jesh kanibal, dhe unë që jam i mbyllur në shtëpi. Dhe ti nga inati vjen, hyn në shtëpi, dhe më masakron mua. Më çan barkun, mëlçinë dhe në fund më merr dhe zemrën dhe më ha.
Pastaj në fund janë të gjithë të lumtur që më ke ngrënë mua, do ta transmetojmë në të gjithë kinematë që ka Shqipëria dhe të ftojmë të gjithë fansat e “Big Brotherit”. Do të jeni të kënaqur me vdekjen time. Do ta quajmë “Big Kanibal”, pastaj do të pimë kafe dhe do të shohim se si do të kënaqen njerëzit duke parë ngrënien tënde dhe vdekjen time“, shprehet ai.
View this post on Instagram
