E hënë, 21 Qershor, 2021
32.5 C
Tirana

“E kemi denoncuar në polici, qëndronte në banesë me bashkëshorten e tretë”, fqinja e 71-vjeçarit rrëfen tmerrin

Një prej fqinjëve të 71-vjeçarit Lefter Zhidru, e ka përshkruar si një njeri problematik, teksa rrëfen se familja e tij qëndronte e mbyllur në shtëpi. Ajo tregon se ndaj tij është bërë disa herë denoncim në polici. Dhe se gjatë periudhës së pandemisë, në familjen e 71 vjeçarit kishte gjithmonë situatë të tensionuar.

“Kush e di sa herë kemi çuar denoncim në polici. Kjo është bashkëshortja e tretë më duket, s’e di.

Nuk hapej dera fare, ato rrinin brenda. Gjatë pandemisë, bënte sherre gjithmonë. Dilnin çunat luanin domino, ai shaj e bërtit. Unë qëndrova brenda në banesë se kisha dy pleq. Kemi ndenjur deri në darkë sa mbaroi punë policia. E njihja si komshi”, tha fqinja.

Lefter Zhidru u vra pasditen e djeshme nga forcat RENEA, në lagjen “11 nëntori” në Elbasan, pas 5 orësh negociata. I moshuari dhunoi ish-bashkëshorten dhe vajzën e tij 14-vjeçare, morri armën dhe shkaktoi terror në qytet duke plagosur dy qytetarë që po kalonin rastësisht poshtë banesës së tij.

E ndërsa ish-bashkëshortja e fundit e Lefter Zhidrus, që u ekzekutua një ditë më parë nga forcat RENEA, ka lëshuar akuza të forta ndaj policisë. Floresha Zhidru, 41-vjeç, nuk është kursyer në kritika e akuza të forta ndaj efektivëve dhe medias.

Një ditë pas ekzekutimit të ish-bashkëshortit, akuzon policinë për vrasje dhe sipas saj gazetarët do japin llogari për gjithçka që kanë shkruar. Në momentin që efektivët kanë mbërritur në shtëpi për një kqyrje të fundit të vendit të ngjarjes, Zhidru është konfliktuar me ta. “E vratë ju. Do jepni llogari për gjithçka që keni shkruar”, mësohet të jetë shprehur ajo gjatë konfliktit.

Floresha Zhidru është marrë nën hetim, pasi akuzohet për moskallëzim krimi. Shtëpia ishte e mbushur plot me municione dhe duke qenë se 41-vjeçarja jetonte me Zhidrun, ka qenë në dijeni të këtij fakti.

- Reklama -

Më shumë nga kategoria




Të fundit

Futboll/ A do të shkrihet klubi i Elbasanit nga Bashkia?

Elbasani ra sezonin që sapo u mbyll nga niveli i dytë i futbollit shqiptar në nivelin e tretë. Për rrjedhojë, Bashkia ka vendosur të gjejë një...

‘Në PD e votoi 30% e anëtarësisë’/ Nishani: Si mund t’i fitojë zgjedhjet Basha?

Kryetari i Këshillit Kombëtar të Partisë Demokratike, Bujar Nishani ka reaguar ashpër kryedemokratit Lulzim Basha, duke thënë se rizgjedhja e tij në krye të...

‘Sot priten 11 mijë doza të Pfizer’/ Manastirliu: Ulet fasha e vaksinimit

Ministrja e Shëndetësisë dhe Mbrojtjes Sociale, Ogerta Manastirliu, teksa ka parë nga afër procesin e vaksinimit në ''Sheshin Skëndërbej'', deklaroi se tashmë është ulur...

Bie qeveria në Suedi/ Löfven, kryeministri i parë që rrëzohet nga parlamenti

Parlamenti i Suedisë ka mbështetur një votë mosbesimi ndaj kryeministrit të qendrës së majtë, Stefan Löfven. Ai bëhet kryeministri i parë që rrëzohet nga...

Teknologji/ Si transferohen numrat nga Android në iPhone shumë thjesht

Si transferohen numrat e regjistruar nga Androidi në iPhone duke përdorur një adresë e-maili në Google 1-Së pari sigurohu që kontaktet tuaja të jenë të...