Presidenti amerikan, Donald Trump, ka shprehur indinjatën e tij ndaj OBSH, ku e akuzon se është e fokusuar vetëm tek Kina. Në kundërpërgjigje të kësaj situate kaotike, Trump ka paralajmëruar se SHBA do t’i shkurtojmë fondet. Pandemia e koronavirusit ka sjellë pakënaqësitë e radhës, ndërsa duket konflikti i hapur mes shteteve.
Trump nuk e ka pranuar më këtë situatë, ndërsa ka kërcënuar që të shkurtojë fondet amerikane për Organizatën Botërore të Shëndetit. Për Trump, kjo masë ndëshkuese vjen pasi e akuzoi atë për fokusim të vëmendjes tek Kina.
“Ne do të ruajmë paratë e harxhuara për OBSH. Do të ndërpresim fuqishëm marrëdhëniet financiare me të, pastaj do të shohim”, tha Trump. Ai dha deklaratën e tij në konferencën e forcave anti-koronavirus në Shtëpinë e Bardhë.
Ai e bëri njoftimin disa orë pasi sulmoi organizatën në një postim në rrjetet sociale, duke shkruar se OBSH e ka dreqosur vërtetë këtë herë.
“OBSH e ka dreqosur vërtetë këtë herë. Për disa arsye, por kryesore është se organizata financohet kryesisht nga Shtetet e Bashkuara, por gjithsesi fokusohet më shumë tek Kina. Ne do ta ndryshojmë këtë perspektivë”, ka shkruar Trump.
“Për fat të mirë unë i kundërshtova që në fillim këshillat e OBSH për mbajtjen e kufijve tanë të hapur ndaj Kinës,” shtoi ai. “Pse na dhanë një rekomandim kaq të gabuar?”. Më vonë në të njëjtën konferencë, Trump sugjeroi që shkurtimi i fondeve nuk ishte vendosur ende zyrtarisht.
