U bë një kohë e gjatë që në media flitet vazhdimisht për raportin e dashurisë mes koreografit Albi Nako, dhe balerinës Alba Hoxha. Të dy nuk e kanë pranuar asnjëherë një romancë të mundshme, e ndërsa fotot që qarkullojnë në rrjet, dëshmojnë për një tjetër situatë. Të ftuar sot tek “Rudina”, ata nuk mundën ti shmangeshin pyetjes së famshme.
Rudina i ngacmoi për jetën private, duke i pyetur nëse janë të vërteta lajmet se ata janë në një lidhje. Alba tha se ata gëzojnë respekt për njëri-tjetrin, dhe se mes tyre nuk ka asgjë.
“Ne gëzojmë një respekt për njëri-tjetrin, nuk jemi asgjë më shumë sesa miq. Na lidh profesioni, vazhdojmë jetën secili në anën e tij. Nuk e kuptoj pse u bë gjithë ky bum pa pasur asgjë”, u shpreh Alba.
Po kështu, moderatorja i pyeti pse e hoqën njëri-tjetrin nga lista e ndjekësve, dhe Alba tregoi se shkak u bë një zënkë e vogël. Balerina tha gjithashtu se ishte i pari Albi që i bëri follow. Në lidhje me këtë gjë, Albi tha se ishte ai që e hodhi hapin i pari.
“Nuk e quaj përulje ta hedh unë hapin i pari”, u shpreh Albi. “Ne mund të kemi një përqasje shumë të mirë, por kam përshtypjen që po aq s’kemi kimi me njëri-tjetrin”, përfundoi koreografi.
