Një ngjarje tepër e rrallë është regjistruar në Indi. Pas vizitës për dhimbje në nofull, një 7-vjeçari i janë gjetur plot 526 dhëmbë në gojë.
Sipas mediave të huaja, 7-vjeçari po ankohej për dhimbje në nofull dhe vendosi të vizitonte mjekun. Djali ka shkuar në spital në gjendje të rëndë për shkak se goja e tij ishte e ënjtur, duke i shkaktuar atij dhimbje të mëdha.
Në momentin që mjekët e skanuan me rreze X, ajo çfarë zbuluan ishte diçka e pa hasur ndonjëherë më parë. Doktorët gjetën në nofullën e tij të poshtme, një qeskë të mbuluar, plot me dhëmbë abnormal.
Ndërhyrja kirurgjike ndodhi shpejt, por u desh kujdes i madh nga mjekët të cilët ekzaminuan çdo dhëmb para se të ndërhynin.
“Ishin totalisht 526 dhëmbë me gjatësi prej 1 milimetër deri në 15 milimetra. Edhe më të voglat kishin një kurorë, rrënjë dhe mbulesë që nënkuptonin se ishte një dhëmb i vërtetë”, tha mjekja Prathiba Ramani.
Ndërkohë, 7-vjeçari do të dalë nga spitali pas tre ditëve dhe pritet që të rikuperohet plotësisht.