Korrieri i Prokurorisë së Durrësit , i cili u grabit ditën e martë nga dy persona ene të paidentifikuar, është shprehur se nuk i ka parë qartë fytyrat e grabitësve. “ Nuk i pashë qartë fytyrat, por vetëm dallova se ishin të rinj”.
Nga ana tjetër ditën e sotme Policia e Durrësit ka shoqëruar në Komisariat 10 persona. Të shoqëruarit dyshohen se mund të kenë dijeni mbi autorët që grabitën korrierin e prokurorisë. Kujtojmë se ngjarja ndodhi (8 Maj) rreth orës 11:00 të paradites, pranë filialit të postës në lagjen 11 të Durrësit.
Në praktikën zyrtare, posta sekrete e prokurorive në rrethe përmban përgjithësisht materiale që vijnë nga SHISH, ose transkripte të përgjimeve nga Prokuroria e Përgjithshme.
Ekspertët kanë sekuestruar disa kamera sigurie në zonë për të zbuluar rrugën që kanë ndjekur autorët, pasi vendi ku ndodhi sulmi nuk ka qenë i survejuar nga kamera sigurie.
