Gjykata e Posaçme e Apelit ka lënë në burg ish-drejtorin e RTSH, Thoma Gëllçi, i arrestuar nga SPAK dhe akuzuar për “shpërdorim detyre”.
Apeli ka lënë në qeli gjithashtu edhe anëtarët e Komisionit të Ofertave, Jualian Tapia, Alban Malaveci e Ervin Muraj. Tapia e Muraj akuzohen për “shkelje të barazisë në tendera”, ndërsa i akuzuar për të njëjtën vepër penale, Alban Malaveci ndodhet në kërkim nga policia.
Ishte tenderi me vlerë mbi 86 milionë lekë, për blerje të pajisjeve për kanalin “RTSH Agro” që çoi në pranga ish-drejtorin e RTSH-së Thoma Gëllçin së bashku me 3 ish anëtarë të Komisionit të Vlerësimit të Ofertave.
Fillimisht shkeljet u kallëzuan nga kompania humbëse, dhe më pas u konstatuan edhe nga një audit i Kontrollit të Lartë të Shtetit. Ndër shkeljet e konstatuara ishte nisja e tenderit 2 vjet përpara se AMA të jepte licencën për hapjen e një kanali të ri dhe përpara se RTSH Agro të niste transmetimet. SPAK e kishte nisur proçedimin penal për këtë tender në datën 28 shkurt të 2020.
Ish-drejtori i RTSH-së ka kryer me dashje veprime që vijnë në kundërshtim me ligjin, duke konsumuar elementët e veprës penale të “Shpërdorimit të detyrës”.
