Zhvillohet seanca për ish-deputetin Klevis Balliu dhe tre protestuesit e tjerë të arrestuar pas përplasjes me policinë, ku u tentua të bllokohej kalimi i kryeministrit Rama në zonën e Astirit.
Mësohet se prokuroria ka kërkuar “arrest shtëpie” për ish-deputetin Balliu, i cili akuzaohet për “prishje të qetësisë publike” dhe “kundërshtim të forcave të policisë”, derisa të merret vendimi. Balliu ka mohuar akuzat ndaj tij. Ndërkohë, për tre të ndaluarit e tjerë, Prokuroria ka kërkuar “arrest me burg”.
Kryedemokrati Basha e ka cilësuar arrestimin e Balliut për motive politike duke thënë se ai u prangos për shkak se doli në mbrojtje të qytetarëve të thjeshtë.
