Egzon Binaku, mbrojtësi i kombëtares shqiptare ka ndryshuar skuadër, pasi nuk ishte i kënaqur me minutat që kishte në dispozicion. Binaku ka lënë Malmon dhe është bashkuar me rivalët e Norrkopingut në kampionatin suedez.
Lajmi është bërë publik nga klubi i Norrkopingut nëpërmjet një postimi në rrjetet sociale, ku Binaku prezantohet si përforcimi më i ri.
Mbrojtësi i krahut të majtë, kishte humbur së fundmi vendin e titullarit te Malmo, teksa nuk ishte në planet e trajnerit. Binaku u bashkua me Malmon në dhjetor të vitit 2017, duke u aktivizuar 18 ndeshje në kampionat dhe 2 në Ligën e Europës.
“Kohët e fundit nuk kam qenë në planet e trajnerit, ndaj zgjodha një sfidë të re. Edhe pse nuk ka shkuar ashtu siç e kisha menduar, jam i lumtur për kohën që kam kaluar te Malmo. Kishte momente shumë bukura, unë dua ti falënderoj të gjithë”-është shprehur 23-vjeçari gjatë prezantimit në klubin e ri.
