Kreu i Partisë Demokratike Lulzim Basha ka reaguar në emisionin “Opinion” duke bërë një apel për një protestë paqësore. Ai është shprehur se Rama ka marrë fund dhe i janë mbyllur dyert në çdo kancelari të Perëndimit.
Basha ftoi të gjithë shqiptarët ti bashkohen protestës së nesërme, duke deklaruar se do të jetë protesta më e madhe dhe më paqësorja. Vetë kreu i PD deklaroi se do të dalë në protestë i shoqëruar nga bashkëshortja dhe dy vajzat e tij.
“Rama ka marrë fund në çdo kancelari të Perëndimit. Sepse asnjë nga shqiptarë nuk dëshiron të jetojë në Shqipëri dhe të punojë me djersën e ballit.
Nesër do dal në protestë me bashkëshorten dhe dy vajzat e mija, u bëj thirrje të gjithë shqiptarëve të vijnë në protestë me familjet e tyre dhe do të jetë protesta më e madhe. Nuk do të ketë asgjë që të kërcënojë apo të kërcënojë një fije floku të asnjë protestuesi dhe punonjësi policie. Kemi marrë informacione nga shërbim,et e inteligjencës së vendeve partnere dhe Ramën nuk ka asnjë argat nga Beogradi që ta shpëtojë,” tha Basha.
Sipas tij në 30 qershor do të jetë një ditë, kur nuk ka zgjedhje në Shqipëri sepse në Fletoren Zyrtare është botuar Dekreti i Presidentit që ka hyrë në fuqi.
“Në 30 qershor nuk ka zgjedhje dhe çdo prove tjetër farsë nuk do të ndodh dhe nuk do të njihet nga asnjë. Këtij regjimi po i numërohen minutat e fundit”, tha Basha.
