Deputetja e opozitës parlamentare, Rudina Hajdari ka marrë pjesë në ceremoninë e mbledhjes së fondeve për fushatën presidenciale të Donald Trump, në Hamptons.
Këtë e ka bërë të ditur vetë Hajdari përmes një postimi në llogarinë e saj në “Facebook”. Në këtë aktivitet, deputetja është takuar me djalin e Presidentit Trump, Donald Trump Jr., me të cilin ka bërë edhe një foto.
“Ndihem e nderuar që isha e ftuar në aktivitetin e mbledhjes së fondeve për fushatën e radhës së Presidentit Amerikan, Donald Trump, në Hamptons. Në këtë aktivitet morën pjesë personalitete të shquara amerikanë, si Bill O’Reilly dhe Geraldo Rivera, Senatori Lindsey Graham, Kongresmeni Lee Zeldin dhe djali i Presidentit, Donald Trump Jr.”, shkruan deputetja Hajdari.
