Një tërmet me magnitudë 7.6 të shkallës rihter ka rënë në lindje të ishujve Kurile. Ishujt janë në lindje të Rusisë. Raportohet se tërmeti me thellësi 60 km u ndje në Japoni dhe disa zona të tjera të Rusisë. Forca e lartë e tërmetit ka dhënë alarmin për cunami.
“The Telegraph” shkruan se Qendra Kombëtare e Cunamit në Shtetet e Bashkuara të Amerikës, është duke monitoruar situatën, pasi paraqitet një rrezik real për Alaskën dhe bregun perëndimor të Amerikës.
Gjithashtu alarmi për cunam është dhënë edhe për Japoninë, pasi lëkundjet e forta mund të ndryshojnë nivelin e detit në brigjet e Japonisë.
Ky tërmet vjen në një kohë kur e gjithë bota është e izoluar, si pasojë e koronavirusit. Një bilanc tragjik po shënohet ngado, e ndërsa numri i të infektuarve po rritet nga ora në orë.
Nga COVID-19 janë shënuar 382.750 të infektuar, dhe 16.578 persona të tjerë kanë ndërruar jetë nga pandemia globale.
