Ndonëse rezultojnë të infektuar me koronavirus, qytetarët nuk duan t’ia dinë, ndërsa dalin nga shtëpia edhe kur janë me mjekime. Rastet e shumta kanë dëshmuar se ndërgjegjja qytetare ende është në nivele të ulëta, pasi pacientët lëvizin lirisht.
Pneumologu Adrian Jorgji në emisionin ‘ABC e Pasdites’ tha se ndërgjegjja qytetare ende është në nivele të ulëta, pasi pacientë të cilët ai i ka diagnostikuar me Covid-19, kanë levizur lirshëm në lokalet e Tiranës.
“Unë i rri fort ndërgjegjes qytetare. Unë kam parë pacientë të mi, edhe ditën që janë diagnostikuar për kafe apo për një gotë në lokale të ndryshme. Dhe po flasim për pacientë me covid, shpreh keqardhjen për këtë”.
