Vijon të përkeqësohet bilanci edhe në Serbi, ku në 24 orët e fundit janë shënuar 4 viktima nga koronavirusi vdekjeprurës.
Ndërkohë janë shtuar 445 raste të reja, duke e çuar në 5,318 numrin total të personave të infektuar. Aktualisht në spital janë të shtruar 3511 pacientë, ku 128 në oksigjen.
Që nga shpërthimi i pandemisë së COVID-19 janë shënuar 103 viktima, duke ia kaluar edhe Greqisë e cila shënon 102 vdekje. Kjo e fundit numëron 3 mijë raste më pak se Serbia.
Serbia renditet në vendin e 39 në listën e shteteve më të prekura nga COVID-19. Ajo është vendi i dytë më i prekur në Ballkan, pas Rumanisë që shënon 7,700 raste infektim dhe 392 viktima.
Më shumë se 2,1 milionë njerëz nga e gjithë bota janë prekur nga koronavirusi, ndërsa mbi 142 mijë persona kanë humbur jetën.
539 mijë njerëz nga e gjithë bota kanë arritur ta mposhtin COVID-19. Numri i rasteve aktive në të gjithë botën është 1,447,100.
